Prawfddarllenwyd y dudalen hon
"Brawycha y marsiandwr
Pan glyw y dymestl gref;
Ond colli fy anwylyd
Sydd fwy na'i golled ef:
Os lluchir di ar lanau
Yr aur a'r perlau pell,
Cei gyfoethocach geneth,
Ond neb a'th gâr yn well.
"Dywedant na wnaed unpeth
Yn ofer gan yr Ior,—
I beth y gwnaed y creigiau,
Dan donau mawr y môr?
Ni chenfydd neb y creigiau,
A llechant dan y lli',
Sy'n ddystryw i f'anwylyd,
A chwerw gri i mi?"
Fel hyn am ei hanwylyd
Cwynfanai' llwythog fron,
Pob chwa y rhoe ochenaid,
A deigryn am bob ton;
A phan gyfododd, gwelai
Ei gorff yn nofio i'r lan!
Ac megis lili—hithau
A drengodd yn y fan!
