Prawfddarllenwyd y dudalen hon
Prin yw ei eiriau
Cras yw ei lais,―
Gwybod yr amser
Yn unig a gais.
Mae cloch yn canu
A phawb yn troi—
Mae'n rhaid i nafi
Gael tamed i'w gnoi.
Ceiniog a dimai
Oedd gan y gwr,
A bwyty ei ginio
O fara a dwr.
"Cinio go fychan,"
Medd un ar draws,
A theif i'r estron
Gilcyn o gaws.
"Hwda," eb arall
Llygatgam, dig,
Ac estyn iddo
Damed o gig.
"Yf," medd y trydydd,
A'i bot yn llawn,
"Diod go ddiflas
Yw merddwr mawn!"
