Prawfddarllenwyd y dudalen hon
GWLAD Y TYLWYTH TEG.
I.
CLYWAIS son gan un a'm carai,
Ddyddiau gloewon
Ieuanc oed,
Fod y Tylwyth Teg yn chwarae,
Dawnsio'n hoewon
Dan y coed.
II.
Chwiliais hyd y dolau ganwaith,
Dan ganghennau
Derw y fro,
Gwelais hwy yn dawnsio'n lanwaith
Fan ddolennau
Lawer tro.
III.
Lawer noswaith, hir ddisgwyliais
Lle'r ymionnynt
Wedi hyn,
Ond ni welais, er a wyliais,
Un ohonynt
Yn y glyn.
