Gwirwyd y dudalen hon
[Dymunir galw sylw y Darllenydd fod y Pregethau a gynwysir yn y Gyfrol—oll oddigerth tair—wedi eu hysgrifenu wrth eu gwrandaw, mewn Llaw Fer, (Phonographia). Gwnaed hyny gan Mr. Jno. R. Evans, Pontricket Board School, Tregeiriog; a nodir y lle a'r adeg y gwrandawyd hwynt.
Hyderwn y bydd y desgrifiad o nodweddion y gwahanol Weinidogion, a geir yn y Gyfrol, yn gynorthwy i'r ieuenctyd hyny na chawsant y fraint o fwynhau eu gweinidogaeth, i'w hadnabod a'u parchu. I'r Darllenwyr a gawsant y fraint hono, diau y bydd i eiriau y Pregethwyr, fel yr ysgrifenwyd hwy ar y pryd, felysu a pharhau eu coffadwriaeth am danynt.]
