Gwirwyd y dudalen hon
Gymeriad pur!
Yn bwrw i wraidd mewn dwyfol dir,
A'i frig dan flodau'r Nef yn ir;
O'i blygion tyner, ar y byw
Dyferai hedd efengyl Duw,
A'i ddail a berarogla'n hir.
Ar ben ei daith,
Ar ol ei "ddeugain mlynedd" gwaith,
Ei gwsg sydd felus; ond y mae iaith
Gyfriniol enaid yn y glyn
Mewn dagrau'n cwyno, ac ni fyn
Ar glo y bedd ddystewi chwaith.
Ti, Ysbryd Glan,
Ffynonell bywyd, dawn, a chan,
O cofia'n gwlad! Dy dystion mân
Sy'n crynu gan bryderon byw,
Yn ngwag adwyau cewri Duw—
Rho ar eu min dy ddwyfol dân.
