Prawfddarllenwyd y dudalen hon
Yr oedd yr haul wedi machlud pan gododd y Gwyddel, a chwythai gwynt uchel. Yr wythnos o'r blaen yr oedd storm gyffelyb wedi codi yn sydyn, a bu raid i deulu Americanaidd dreulio noson yn yr ynys unig. Codai'r tonnau'n anferth. Cychod bregus feddem, ac nis gallai ond tri o'r criw rwyfo. Tra yn siarad â'r Gwyddel beth i'w wneyd, casglai rhai frigau at wneyd tân, meddyliai ereill am yr ysbrydion welent yn yr ynys, os aros ynddi dros y nos fyddai raid, ac edrychai ereill yn syn ar y tonnau brigwyn, gan ofni mai rhy berygl oedd croesi'n ol o Inisfallen.
