Prawfddarllenwyd y dudalen hon
Os chwalwyd teganau,
Fe bery'r llanerchau,
Ac ambell i gamfa a llwyn;
Ac ni all helyntion
Y byd a'i drallodion
Ddifetha atgofion mor fwyn.
Chwi hen ysgol feistriaid!
Garedig wroniaid!
Bu'ch gofal am danom yn fawr;
Boed tawel eich huno,
Ni wnawn eich anghofio
Fel hoff garedigion y llawr.
Mae'n felys cael cwrddyd,
Ac adrodd am ennyd,
Am lawer tro digrif a ffôl;
Ond beth am y diwrnod,
Cawn eto gyfarfod,
A dim "ysgolheigion" ar ol!
