Prawfddarllenwyd y dudalen hon
Mae anian fawr yn llawn o swyn,
A'r blodau'n gwenu'n llon i gyd;
Ond nid ynt hwy, fy nghyfaill mwyn,
Ond diflanedig bethau'r byd;
Tra'th galon ar y "pethau mwy"
Anfoddlawn byth os hebddynt hwy.
Rôl cyrraedd fry i'r drydedd nef,
A glanio'n iach yn nghartre'r saint,
Am lawnach nefoedd bydd dy lef-
Am oriel uwch a mwy ei maint;
A Duw dros byth rydd bethau "mwy"
I bawb fydd yn eu ceisio hwy.
