Prawfddarllenwyd y dudalen hon
Oes hedyn cariad, Gristion gwan,
O fewn dy galon?
Daw arno flodyn yn y man,
A'i lu o swynion;
Ac os yw "drain ac ysgall" byd
Yn cau dy lwybrau,
Ni allant er eu trais i gyd
Nacâu y blodau.
I ddilyn holl aeafau byd
Daw'r heulwen fwynach;
"Hyd yma dewch" medd Haf o hyd,
"A dim ym mhellach;"
A gwel'd yr wyf y Gwanwyn iach
O Nefol burdeb;
A "jibili" pob blodyn bach,
Mewn anfarwoldeb!
