Prawfddarllenwyd y dudalen hon
YR HEN WISGOEDD CYMREIG.
NID oedd neb yn ein dydd ni—ar ysgeifn
Fyr wisgoedd yn ffoli;
Dyna ei hoff fyrdwn hi,
Hen athroniaeth rhieni.
Eu coel ydoedd bod clydwch—eu peisiau'n
Fwy pwysig na harddwch;
Galwent yn ddiogelwch
Own llaes a rygnai'n y llwch.
EILIAD.
DYMA wyt i fyd mater,—un o hyd
O genhadon amser;
Yn eu braw ni wêl llawer
Ond ôl dy fynd ciliad fer.
FY NHAD.
YNOF fi mae calon fad—yn caru
Tinc gwerin fy henwlad;
Hen forwr glân ei fwriad
O Eifion hoff oedd fy nhad.
TROI DALEN.
GWELL ydyw hwyr na hwyrach—medd henair,
Mi ddo' innau'n gallach;
Nid yfaf ddim byd afiach,
A thaga'i byth, hogia' bach.
