Prawfddarllenwyd y dudalen hon
PEDROG.
(Yn Llywydd "Noson Arfon" yn Lerpwl).
LLONNI gwedd gwlad Llŷn i gyd—a'i lliaws
Wna'r Llywydd gwrolfryd;
Diwyrgam ydyw ergyd
Powdwr gwn Pedrog o hyd.
BYR A PHERT.
(Wrth anfon am lyfr William Gruffydd, Hen Barc).
BYR a Phert heb eiriau ffôl—yw dy lyfr,
Del iawn, meddai pobol;
Hwda dy bris dewisol,
Anfon un, neu dof i'w nôl.
Y WINLLAN LAS.
(LLYFR WIL IFAN).
PERI adwyth wna pryder,—llwyn iraidd
All liniaru tymer;
Dylai pawb gael odlau pêr—ei Winllan,
Ni fedd Wil Ifan feddyliau ofer.
ROWND YR HORN. (PRYDDEST).
YN fy nhŷ hyn a fwynhâf,—i'r rigging
Efo'r hogiau dringaf;
Waeth sut bo'r hin ni flinaf,
"Rownd yr Horn" o hyd yr af!
