Prawfddarllenwyd y dudalen hon
I Bachgen
Y BACHGEN boch-goch,
A'r bochau brechdan,
A'r bais dew,—
O ble doist ti?
II Yr Ebol Melyn
MAE gen i ebol melyn,
Yn codi'n bedair oed,
A phedair pedol arian
O dan ei bedwar troed;
Mi neidia ac mi brancia
O dan y feinir wen,
Fe reda ugain milltir
Heb dynnu'r ffrwyn o'i ben.
III Gyrru i Gaer
GYRRU, gyrru, gyrru i Gaer;
I briodi merch y maer;
Gyrru, gyrru, gyrru adre,
Wedi priodi ers diwrnode.
