Y Cwm Unig a Chaniadau Eraill/Hiraeth am Gymru
| ← Baban | Y Cwm Unig a Chaniadau Eraill gan Dewi Emrys |
Emyn Gwyl Ddewi → |
HIRAETH AM GYMRU.
Ymhell o'i ffridd, anniddan—wyf o hyd,
Gofidus ym mhobman;
Haf cyflawnaf cofl anian
Yw golud gwych Gwlad y Gân.
O ddrws Duw i ddyrys daith—yr euthum,
Lle'm brathodd Anobaith ;
Gwybum dlodi ffordd ddiffaith
A niwl mawr yr anial maith.
O, dirion Dad, arwain Di—fy enaid
I'th fwynaf oleuni.
Rho heulwen bro fy ngeni
O'r niwl mawr yn ol i mi.