Y Cwm Unig a Chaniadau Eraill/Y Pysgotwr Bach
| ← Na'd-fi'n-Angof | Y Cwm Unig a Chaniadau Eraill gan Dewi Emrys |
Y Cwm Unig → |
Y PYSGOTWR BACH.
Mi welaf grwt penfelyn
Ar fin yr afon fach,
A chollen ystwyth yn ei law,
A llinyn hir a bach.
Mae chwerthin lond ei fynwes
Wrth weld y pysgod mân
Yn gwylltio rhag ei gysgod ef
Yn nrych yr afon lân.
Na syrthied llun yfory
Ar antur plentyn llon;
Fe'i sobrir yn rhy gynnar
Wrth afon fwy na hon.