Y Drws Agored/Dy siomi gei

← Y ddwy ddinas

Y Drws Agored gan Robert Hughes Jones

Y gweithiwr →

DY SIOMI GEI.

PAID edrych cymaint ar i lawr;
Nid dyna'r ffordd i'r nefoedd.
I fyny'r rhiwiau serthaf gaed,
A gwlith y wawr yn golchi'th draed:
Ffordd yna mae y nefoedd.

Nid wrth ei cheisio mae ei chael;
Nid dyna'r ffordd i'r nefoedd.
Wrth geisio nef i arall un,
Gan lwyr anghofio'th nef dy hun;
Ffordd yna ceir y nefoedd.

Dos, caria'th groes i ben y bryn;
Mae'r nef ffordd hyn yn rhywle.
A phan ei goddiweddyd wnei,
'Rwy'n credu mai dy siomi gei—
Dy siomi'r ochr ore.