Y Drws Agored/Rhanna dy bethau gore
| ← Glan y môr | Y Drws Agored gan Robert Hughes Jones |
Bob tro bwy'n gwasgu'th law → |
RHANNA DY BETHAU GORE.
RHOI wnaeth y weddw honno
(Rhoi wna ei rhyw o hyd).
Rhoi 'run fath a'r ffynnon,
Rhoi o waelod ei chalon,
Rhoi—a chael 'run pryd;
Y ffordd i gadw trysor yw
Ei roi yn ol ar allor Duw.
Rhanna dy bethau gore,
Rhanna, a thi yn dylawd,
Rhanna dy wên a'th gariad,
Rhanna dy gydymdeimlad,
Rhanna dy nefoedd, frawd;
Rhyw nefoedd wael yw eiddo'r dyn
Fynn gadw'i nefoedd iddo'i hun.