Y Drws Agored/Y cweryl

← Y blodyn

Y Drws Agored gan Robert Hughes Jones

Llwybrau'r defaid →

Y CWERYL.
(Adroddiad).

CHWAREUAI'r ddau yn llon eu gwedd
Ynghanol eu teganau;
Ond cododd cweryl yn eu plith
Ynghylch y tegan goreu.

Anafwyd un, ac yna'r llall,
A chollwyd dagrau heilltion;
Ac yn y frwydr ffol a fu
Y tegan wnaed yn yfflon.

Ai gwenu 'rwyt, wrandawr doeth,
Gan gyfri'r ddau yn anghall?
Wel, ti dy hun oedd un o'r ddau,
A minnau'r baban arall.