Yn Llefaru Eto/Roger Edwards cerdd gan Daniel Owen

← Roger Edwards Pregeth—Gosteg gerbron Duw yn ei Deml, Heb. ii. 20.

Yn Llefaru Eto

gan Anhysbys

ROGER EDWARDS.

Gweinidog Duw! ein hoff weinidog pur!
Er it' ein gadael, d' ysbryd sydd o hyd
Yn myn'd a dyfod efo'm yn y byd
I'n cyfarwyddo ac i leddfu'n cur!

Ac er fod "atal" arnat—d'wedaist fwy
Na nemor un am Dduw, am Grist a'i ras;
A miloedd, drwot ti, brofasant flas
Y Feddyginiaeth oedd i wella'u clwy'.

Hoenus dy ysbryd, bywiog, tanbaid dwym,
Wrth natur oeddit ti: a'r Ysbryd Glân
Bentyrodd friw-wydd sanctaidd ar dy dân,
Ac a'i cysegrodd iddo'i hun yn rhwym!

Chwith yw bod heb y gwenau siriol, mad
Ac heb y weddi dynai'r nef i lawr;
Ac heb y cynghor—heb y dagrau mawr !
Ac heb y Cyfaill pur! y Brawd! y Tad!

——DANIEL OWEN.

Nodiadau