Yng Ngwres y Dydd/Gweddi'r Pererin

Yng Ngwres y Dydd

gan Joseph Jones (J. J. Drefnewydd)

GWEDDI'R PERERIN.

Os oes "baich" rhy drwm i'w gario,
Os oes "croes" na fedraf ddwyn,
Paid a gadael i'm ddiffygio—
Cofia'r eiddil Iesu mwyn;
Galw fi
Dros y lli'
I Dy gartref dedwydd Di.

Wedi gorffen gwaith fy niwrnod—
Rhywun arall yn fy lle,
Gad i'm dros Iorddonen ddyfod—
"Cadw noswyl" yn y ne;
Gyda'r llu
Nefol fry'
A hen bererinion cu.