Yr Awen Barod/Llun

Yr Awen Barod

gan William Thomas Edwards (Gwilym Deudraeth)

golygwyd gan John William Jones

LLUN.
(Adeg Eisteddfod Bangor tynnwyd fy llun gan Elwyn (Ab Wil Ifan). Anfonwyd yr Englynion hyn iddo.)

BALCH wyf ohonwyf fy hun,—mi goeliaf
Mai Gwilym yw'r darlun;
Rhyw allu i dynnu dyn
A'i feddyliau fedd Elwyn.

I'w weld mae hunanoldeb—yn gymysg
Â hiwmor yr wyneb;
Ac i'm hystad, ni wad neb,
Caf fy het yn cyfateb.

Ond i'w wneud o yn well—ymholi'r wyf
Ymhle'r oedd fy mhibell?
Wele mae fy nwylo 'mhell
Yn eigion fy nwy logell.

Mae hwyl, a phawb yn fy mhen—o'i eisiau
I'w osod ar hoelen;
Beth haws i'r lliaws llawen
Na 'nabod fy ngwasgod wen?

Nodiadau