Yr Awen Barod/Sacsoffon, Y

Yr Awen Barod

gan William Thomas Edwards (Gwilym Deudraeth)

golygwyd gan John William Jones

Y SACSOFFÔN.

CLOBYN O getyn a gaf —o'r un ffurf
A'r corn ffein rhyfeddaf;
Ei dôn drom—o'i dwndwr af—
I nâd bwgan debygaf.

BARDD Y DE.

RHYDDID yw iaith bardd y De,—a di-nerth
Gyda'i "nawr" a'i "dere";
Dienaid iawn ydyw e—
Dyn y tafod yn tefe!

PRYDER.

MEDDWL dwys diorffwyso—yw pryder,
Pair adwyth i'm curio;
Oni phaid â phroffwydo
Fy medd fydd ei ddiwedd o.

Nodiadau