Yr Awen Barod/Tysteb Eifionydd

Yr Awen Barod

gan William Thomas Edwards (Gwilym Deudraeth)

golygwyd gan John William Jones

TYSTEB EIFIONYDD.

DYN heb wrid yw yn brydydd,—heb ei ail
Yn y byd fel casglydd;
Am fawrhau doniau y dydd
Hen foy iawn yw Eifionydd.

I'w gain annwyl Geninen—selog yw,
Pa sawl gwaith wrth ddarllen
Ei ddigrif lawysgrifen
Y gorfu i mi grafu 'mhen?

Efrydais gyfeiriadau—ei throeon,
A threiais am ddyddiau
Gael rhyw help i'w heglurhau—
Methu wnes am wythnosau!

Ond rhwydd hynt i'r dda antur,—mae'i hanes
Rhwng y Meini'n eglur;
Mawrhaed pawb sy'n Gymro pur
Decaf oed y Cofiadur.

Nodiadau