Yr Ysgol Gymraeg/Pan ddaw yr haf

← Rhifyddiaeth

Yr Ysgol Gymraeg gan Owen Jones Owen

Gwyliau'r haf →

PAN DDAW YR HAF.
Un o ganeuon Mynyddog.

PAN ddaw yr haf a'i dyner hin
I lonni bro a bryn,
Cawn drwsio bedd y gaeaf blin
A blodau gwyrdd a gwyn;
Cawn weled myrdd o egin mân
Yn tyfu'n ngwres yr haul,
A chlywed cân yr awel lân
Ar dannau'r delyn ddail:

Cawn gasglu blodau hyd y glyn,
A rhodio'r dyffryn dir,
A chanu marwnad gaeaf gwyn
Ar goryn clogwyn clir.

Daw'r hâf i dynnu newydd gân
O dannau cangau'r coed,
Lle sang yr hâf mae meillion mân
Yn tyfu'n ôl ei droed;
Prydferthwch wisga am ei ben,
A'i ddwylaw'n llawnion sydd,
Ac ar ei fron mae'r lili wen
Mor deg a gwawr y dydd.

Cawn gasglu blodau, &c.

Ar wely'r hâf, ffarwel i'r rhew
Ro'i blaen ei droed i lawr,
A'r lle bu'r eira'n haenen dew
Daw haen o flodau'n awr;
Daw'r byd i wenu ar y nen
Mewn newydd wisg o ddail,
Daw hithau'r awyr las uwch ben
I wenu bob yn ail.

Cawn gasglu blodau, &c.

GEIRFA.

HIN, weather.
LLONNI, brightening.
EGIN MAN, buds, shoots.
MARWNAD, death-song, requiem, lament.
CORYN CLOGWYN, top of a crag.
SANGU, treading.
MEILLION, clover.        A ydych yn cofio hanes Olwen?
GWAWR Y DYDD, dawn.
HAENEN, haen, layer.