Am fod fy Iesu'n fyw

← Mae lluoedd maith ymlaen

Am fod fy Iesu'n fyw gan John Thomas, Rhaeadr

O! Dduw, rho im dy hedd

663^[1]Diogelwch y Saint yng Nghrist.
66. 84. D.

1 AM fod fy Iesu'n fyw,
Byw hefyd fydd ei saint;
Er gorfod dioddef poen a briw,
Mawr yw eu braint:
Bydd melys lanio draw,
'N ôl bod o don i don;
Ac mi rof ffárwel maes o law
I'r ddaear hon.

2 Ac yna gwyn fy myd,
Tu draw i'r byd a'r bedd:
Caf yno fyw dan foli o hyd
Mewn hawddfyd hedd;
Yng nghwmni'r nefol Oen,
Heb sôn am bechod mwy,
Ond canu am ei ddirfawr boen
Byth gyda hwy.

—John Thomas, Rhaeadr

Ffynhonnell

1. Emyn rhif 663, Llyfr Emynau y Methodistiaid Calfinaidd a Wesleaidd 1930