Beirdd y Bala/Amser

Beirdd y Bala

gan John Jones (Ioan Tegid)

golygwyd gan Owen Morgan Edwards

AMSER.

Tempus edax rerum.—OVID.

Amser a ehed—a ehed—
E a ehed yn gynt,
Na thonn y môr, er cynted rhed—
Yn wyllt o flaen y gwynt.

Amser a ehed—a ehed
Yn gynt na 'r llong ar daith,
Pan yn gyflymaf hi a red
Dros donnau 'r eigion llaith.

Amser a ehed—a ehed—
Yn gynt na'r eryr cryf,
Pan fo â'i esgyll braidd ar led,
Yn disgyn ar ei bryf.

Amser a ched—mawr fy mraw—
Na'r fellten mae yn gynt,
Pan gwylltaf naid o'r dwyrain draw
I'w gorllewinol hynt.

Cyflymach Amser nas gall iaith
Adrodd gyflymed yw;
Ystyriwn bawb gan hynny'n gwaith.
A'r modd y dylem fyw.

Cyflymed ydym ar ein taith
Ag Amser—onid gwir?
Ein cartref Tragwyddoldeb maith,
Lle byddwn bawb cyn hir.

Amser, amser, sydd yn hedeg,
Minnau'n myned gyd âg ef;
I wlad bell yr wyf yn teithio.
Enw hon yw Teyrnas Nef,

Ysbryd Sanctaidd,
Arwain fi i ben fy nhaith.

Amser, amser, O mor gyflym,
A diorffwys ar ei daith;
Fy rhybuddio mae ef beunydd
Nad yw'm gyrfa yma'n faith;
Ond tragwyddol,
Fydd yr yrfa sydd o'm blaen.

Nodiadau