Caniadau John Morris-Jones/Pan fyddwyf yn y bore

← Ti ferch y morwr tyred

Caniadau John Morris-Jones gan John Morris-Jones

Pa fodd, a mi'n fyw eto →

XIV

Pan fyddwyf yn y bore
Yn pasio d'annedd di,
Mae golwg ar dy wyneb
Yn llonni 'nghalon i.

Â'th dyner lygaid duon
Gofynni'n fwyn i mi,
"Pwy wyt ti, glaf ddieithrddyn,
"A pheth yw dofid di?"

Bardd alltud wyf, ac enw
Sydd imi dros y lli;
Enwer yr enwau goreu,
Ac enwir fy enw i.

A'm gofid i yw gofid
Llaweroedd dros y lli;
Enwer pob dyfnaf ofid,
Fe enwir fy ngofid i.