Cannwyll y Cymry

gan Rhys Prichard

(detholiad)

Cannwyll Cymru mae d’hen Feistyr

yn dy alw mewn rhyw lyfyr;

gwna dy swydd ar frys, gan hynny,

trwy oleuo pawb yng Nghymru.

Awn i Fethlem i gael gweled

mair a Mab Duw ar ei harffed;

mair yn dala rhwng ei dwylo

y mab sy’n cadw’r byd rhag cwympo.

Ni cheir gweled mwy on hôl

nag ôl neidr ar y ddôl,

neu ôl llong aeth dros y tonnau,

neu ôl saeth mewn awyr denau.

...

Ni chawn aros mwy na’n tadau,

awn i’r ffordd yr aethant hwythau;

rhaid in fynd i wneuthur cyfri’,

a rhoi lle i eraill godi.

Nid oes lle i aros yma

ond dros ennyd i hafota;

wedyn gorfydd ar bawb symud,

a mynd i’r ffordd yr aeth yr hollfyd.

Y mae’r angau glas a’i fwa

yn ein herlid ym mhob tyrfa;

nid oes undyn all dihangyd

rhag ei follt a’i saeth wenwynllyd.

...