Disgyn, Iôr, a rhwyga'r nefoedd
| ← Tyred, Ysbryd Glân tragwyddol | Disgyn, Iôr, a rhwyga'r nefoedd gan William Griffiths, Caergybi |
Ysbryd byw y deffroadau → |
| Mynegai Llyfr Emynau y Methodistiaid Calfinaidd a Wesleaidd 1930 |
269[1] "O! na rwygit y Nefoedd, a disgyn !"
887. 87. D.
1 DISGYN, Iôr, a rhwyga'r nefoedd,
Tywallt Ysbryd gras i lawr;
Disgyn fel y toddo'r bryniau,
Diosg fraich dy allu mawr;
Rhwyga'r llenni, ymddisgleiria
Ar dy drugareddfa lân;
Rho dy lais a'th wenau tirion,
Achub bentewynion tân.
2 Ti achubaist y rhai gwaethaf,
Annheilyngaf a fu'n bod;
Achub eto, achub yma,
Achub finnau er dy glod.
Ti gei'r mawl pan danio'r ddaear,
A phan syrthio sêr y nen:
Ti gei'r enw yn dragwyddol,
Ti gei'r goron ar dy ben.
William Griffiths, Caergybi
Ffynhonnell
[golygu]- ↑ Emyn rhif 269, Llyfr Emynau y Methodistiaid Calfinaidd a Wesleaidd 1930