Geiriau'r Iesu (Pantycelyn)

Geiriau'r Iesu, William Williams, Pantycelyn

O! Llefara, addfwyn Iesu

Mae dy eiriau fel y gwin,

Oll yn dwyn i mewn dangnefedd

Ag sydd o anfeidrol rin;

Mae holl leisiau'r grëadigaeth,

Holl ddeniadau cnawd a byd,

Wrth dy lais hyfrytaf tawel,

Yn distewi a mynd yn fud.

Ni all holl hyfrydwch natur,

A'i melystra penna' i mas,

Fyth gymharu â lleferydd

Hyfryd pur maddeuol ras

Gad im glywed sŵn dy eiriau,

Awdurdodol eiriau'r nef,

Oddi mewn yn creu hyfrydwch

Nad oes mo'i gyffelyb ef.

Dwed dy fod yn eiddo imi,

Mewn llthrennau eglur clir;

Tor amheuaeth sych, digysur,

Tywyll, dyrys, cyn bo hir ;

'R wy'n hiraethu am gael clywed

Un o eiriau pur y ne', :

Nes bod ofon du a thristwch

Yn tragwyddol golli eu lle.