Geirlyfr Bywgraffiadol o Enwogion Cymru 1870/Anhun
| ← Annan | Geirlyfr Bywgraffiadol o Enwogion Cymru 1870 gan Isaac Foulkes |
Anian → |
ANHUN, neu Annun, oedd forwyn i Madryn, trydedd wraig Ynyr o Gaer Gawch yn ol Achau'r Saint, a merch oedd hithau i Gwrthefyr Fendigaid fel Anna ei chwaer. Nid oes dim llawer ar gof a chadw hyd yn oed o chwedlau gwneuthur parth Anhun. Ond dywedir mai pererinio am Enlli yr oedd hi a'i meistres, ac iddynt yn lluddedig un hwyrnos ddod i'r lle a elwir yn awr Trawsfynydd, ac oherwydd mor ddiffygiol oeddynt, gorphwys a wnaethant dros y noson eu dwyoedd dan gysgod perth, a phan gysgasant breuddwydio a wnaethant, a thybio clywed llais soniarus yn galw, "adeiledwch Eglwys yma." A phan ddeffroisant, dweyd eu breuddwyd wrth eu gilydd a wnaethant, a rhyfeddu eu bod en dwy wedi gweled a chlywed yr un peth, a phenderfynu adeiladu a wnaed, ac i'r ddwy hyn y cysegrwyd Eglwys Trawsfynydd. Yr oedd Anhun yn ei blodau yn ystod y pumed cant, ac ni wyddys ei Gwylmabsart.