Gwialen Fedw Fy Mam

Oddi ar Wicidestun
Neidio i'r panel llywio Neidio i'r bar chwilio
Gwialen Fedw Fy Mam

gan anhysbys

GWIALEN FEDW FY MAM

————

TON—"Old Darby."

————

PAN byddai enogrwydd cydwybod
Bron llethu fy enaid i'r llawr
Ar ol im' gyflawni rhyw bechod
Gyfrifwn pryd hyny yn fawr;
Fe dreiglai y dagrau tryloywon,
Nid ofnaf ddywedyd pa ham
'Roedd cwmwl ar wyneb mor dirion—
Ond ofn gwialen fedw fy mam.

Wrth ddyfod o'r ysgol ar redeg,
Llawn awydd bod gartref mewn pryd,
Tarawai fy nhroed wrth ryw gareg,
A syrthiwn i'r baw ar fy hyd!
Awn yna i dai fy nghydnabod,
I draethu fy nghyni a'm cam,
A'm harswyd rhag ofn cael fy ngosod
Dan bwys gwialen fedw fy mama.

Pan gawn i y fraint o gyd—fwyta
Ar unwaith a nhad wrth y bwrdd,

Achoswn ryw ddamwain ysmala,
Ac yna mi redwn i ffwrdd ;
Fe waeddai fy nhad arnaf—Aros,
Gan addaw amddiffyn fy ngham:
Ond diangc oedd lawer mwy diddos
O ffordd gwialen fedw fy mam,

Bwriedais, rai canoedd o weithiau,
Ei thaflu i ganol y tân :
Ond er fy holl gywrain gynlluniau,
Mi fethais ei chyraedd yn lân
Gosodwn y gadair yn hwylus
I gyraedd fy nod yn ddi nam,
Ond ofer fu'm triciau direidus
I ddwyn gwialen fedw fy mam.

Pan byddai cyfoedion yn ceisio
Fy hudo i wneuthur rhyw ddrwg,
A minau bron iawn a chydsynio,
Rhag ofn i mi dynu eu gwg :
Fe redal fy meddwl yn sydyn
At gerydd, cyn rhoddi y llam,
Ac felly gwrthodwn eu dylyn,
Rhag ofn gwialen fedw fy mam

Wel, tegwch i mi ydyw canmol
Pob moddion arferwyd er lles,
A thaflu o’r neilldu yn hollol
Bob rhagfarn, a dyfod yn nes;
Can's teimlo mae f'enaid ryw awydd
Roi moliant i bob moddion am
Fy Dghadw ar lwybrau dyledswydu,
Fel gwnaeth gwialen fedw fy mam.

——Britwn