O! am fywyd o sancteiddio

Mae O! am fywyd o sancteiddio yn emyn gan Ann Griffiths (1776-1805)

Sanctaidd enw pur fy Nuw,

Ac ymostwng i'w ewyllys

A'i lywodraeth tra fwy' byw;

Byw gan addunedu a thalu,

Dan ymnerthu yn y gras

Sydd yng Nghrist yn drysoredig,

I orchfygu ar y maes.

O! na chawn i dreulio 'nyddiau

Yn fywyd o ddyrchafu ei waed;

Llechu'n dawel dan ei gysgod,

Byw a marw wrth ei draed;

Cario'r groes, a phara i'w chodi,

Am mai croes fy Mhriod yw,

Ymddifyrru yn ei Berson,

A'i addoli byth yn Dduw.

Dyma Frawd a anwyd inni

Erbyn c'ledi a phob clwy';

Ffyddlon ydyw, llawn tosturi,

Haeddai gael ei foli'n fwy:

Rhyddhawr caethion, Meddyg cleifion,

Ffordd i Seion union yw;

Ffynnon loyw, bywyd meirw,

Arch i gadw dyn yw Duw.

Ffynhonnell[golygu]