Pan hoeliwyd Iesu ar y pren
| ← Er maint yw chwerw boen y byd | Pan hoeliwyd Iesu ar y pren gan David Jones, Treborth |
Na foed i'm henaid euog trist |
| Mynegai Llyfr Emynau y Methodistiaid Calfinaidd a Wesleaidd 1930 |
121[1] Gorffennwyd.
M. S.
1 PAN hoeliwyd Iesu ar y pren,
Yr haul uwchben dywyllwyd;
Ond wele! yn y twllwch mawr
Daeth gwawr o'r gair "Gorffennwyd!"
2 Pryd y croeshoeliwyd Iesu cu,
Pyrth uffern ddu a lonnwyd;
Ond trodd y pyrth i siomiant trist
Pan lefodd Crist "Gorffennwyd!"
3 Pryd y dechreuodd Crist dristáu,
Telynau'r nef ostegwyd;
Ond dyblodd cân y drydedd nef
Pan lefodd Ef "Gorffennwyd!"
4 Holl lafur Crist trwy boenus daith
A'i galed waith ddibennwyd,
Pan roes, â'i olaf anadl gref,
Yr uchel lef "Gorffennwyd!
5 Mae Duw yn maddau a glanhau
Yn angau'r Oen a laddwyd;
A dyma waith efengyl gref—
Atseinio'r llef "Gorffennwyd!"
David Jones, Treborth
Ffynhonnell
[golygu]- ↑ Emyn rhif 121, Llyfr Emynau y Methodistiaid Calfinaidd a Wesleaidd 1930