Patrymau Gwlad/Carpe Diem
| ← Ymholi Am Heulwen | Patrymau Gwlad gan Thomas Jacob Thomas (Sarnicol) |
Ieuan Brydydd Hir → |
CARPE DIEM[1]
(Horas)
NA hola pa ryw dynged inni a rydd
Y duwiau, eu cyfrinach hwy yw hon;
Na chais gan sêr-ddewiniaid Babilon
Ei datgan iti drwy gyfrifon cudd.
P'ond gwell ei goddef, ni waeth beth a fydd?
Boed llawer gaeaf it, neu boed i don
Dy aeaf olaf hwn ymlâdd ar fron
Y greiglan yn ei gwrthwynebu y sydd,
Bydd ddoeth, anwylyd, gloywa'r cochwin, gwêl,
Nad yw edefyn oes ond byr a brau,
Nac oeda i goledd pell obeithion gau;
A ni'n chwedleua, amser ar aden gêl
A ddianc heibio; dyred i fwynhau
Heddiw, na chyfrif ar ryw ddydd a ddêl.
Nodiadau
[golygu]- ↑ Medwch y diwrnod