Prif Feirdd Eifionydd/Mae'r gwaed a redodd ar y groes

← Y Llew a'i Gynghorwyr

Prif Feirdd Eifionydd gan Edward David Rowlands

Cysegrwn flaenffrwyth ddyddiau'n hoes →

Emynau.

Y Gan Newydd.

MAE'R gwaed a redodd ar y groes
O oes i oes i'w gofio;
Rhy fyrr fydd tragwyddoldeb llawn.
I ddweyd yn iawn am dano.

Prif destyn holl ganiadau'r nef
Yw "Iddo Ef," a'i haeddiant:
A dyna sain telynau glân
Ar uchaf gân gogoniant.

Mae hynod rinwedd gwaed yr Oen,
A'i boen wrth achub enaid,
Yn seinio'n uwch ar dannau'r nef
Na hyfryd lef seraffiaid.

Mhen oesoedd rif y tywod mân,
Ni bydd y gân ond dechreu,
Rhyw newydd wyrth o'i angeu drud,
A ddaw o hyd i'r goleu.

—ROBERT AP GWILYM DDU.