Prif Feirdd Eifionydd/Y Llances a'r Piseraid Llaeth

← Merchur a'r Cymynnydd Coed

Prif Feirdd Eifionydd gan Edward David Rowlands

Pwyllgor y Llygod →

Y Llances a'r Piseraid Llaeth.

'ROEDD Llances gynt yn cario ar ei phen
Biseraid llaeth: ei henw hi oedd Gwen.
Ei bwriad oedd ei werthu yn y dref
Ag oedd gerllaw; piseraid llawn oedd ef
O lefritn pur. Dechreuai syn-fyfyrio
(Nid y piseraid, cofiwch chwi, ond Gwenno):
Bydd gwerthu hwn yn help im' brynu wyau
I'w rhoi dan ieir; ac felly mi gaf finnau
Chwe dwsin llawn o gywion at eu gwerthu :
Prynaf â'r arian ddillad hardd, i ddenu
Llygaid y llanciau; ac mi gaf fy newis
Gariad ohonynt cyn y pasio wythmis."
Ar hyn hi roes ryw naid o wir lawenydd
Am gynnyrch y piseraid llefrith newydd:
Syrthiodd y piser ar y llawr yn yfflon
Collodd ei llaeth, ei hwyau oll, a'i chywion,
A'i dillad hardd, a'i dewis-lanc yn gariad;
Diflannai'r cwbl ar unwaith mewn amrantiad.

Cymer, ddarllenydd mwyn, gan Esob gyngor:
Paid byth a chyfri'r cywion heb eu deor.