Gwirwyd y dudalen hon
CWYN Y BARDD-BREGETHWR
ATEBAF, pan fo'n rhaid
Rhoi f'enw a'm swydd i'r trethwyr:
"Pregethwr ym mysg beirdd,
A bardd ym mysg pregethwyr;
Ymhlith y rhai sy'n ennill dwbwl
Fy nghyflog bach, 'dwy'n neb o gwbwl".
SAM A RHYS
'ROEDD Sam y Siopwr yn ei ddydd
Yn gampwr mewn dadleuon,
A gyrrodd rai o deulu'r ffydd
Ymhell i dir amheuon.
Ond denai Rhys yr Hendref hwy
Cyn hir yn ôl i'w llefydd
Heb drwst—na dadlau mwy na mwy—
'Roedd Rhys yn byw ei grefydd.
