Prawfddarllenwyd y dudalen hon
Mae Cymru yn ei arddel
Er's llawer blwyddyn gron;
Os yw ei swydd yn isel,
Mae'n rhan o fywyd hon;
Er na fedd ffrynd ffyddlonach
Na'i gi o dref i dref,
Bydd cenedl yn dylotach
Ar ol ei golli ef.
CROESAW I'R ARCHDDERWYDD.
EIN llyw doeth yn nillad ha',—derbyniad
Arbennig a haedda;
Croesaw dibrin gwerin ga'
Dyfed i bwlpud Hwfa!
GWRID.
DELW iechyd dilychwin,—lifrai haul,
Haf, y rhos a'r purwin;
Gwawr lliwiad y gorllewin
Gyda'r hwyr a gwaed yr hin.
