Prawfddarllenwyd y dudalen hon
Nid oedd blodau na danteithion
Hyd y byrddau ger fy mron,
Nid oedd win i lonni'r galon
Ysig, drwy'r ystafell hon;
Nid oedd yno amledd doniau,
Na mursendod estron aeg;
Dim ond plant y Gorthrymderau'n
"Gofyn bendith" yn Gymraeg.
Clywais fiwsig hen Emynau
Cymru'n disgyn ar fy nghlyw,
A thaerineb y gweddiau
Sydd yn medru'r ffordd at Dduw;
Crefydd yn ei gwisg naturiol
Siriol wenai ar y plant,
Yno'n ysbryd ymaberthol
Cyfarfum â Dewi Sant.
Cwmni'r wledd yn fawr eu hafiaeth gawsant un-nos siriol wedd,
Cefais innau weledigaeth sydd yn aros wedi'r wledd;
Pan ddeffroais, mwyn yw cofio, teimlais yn fy ysbryd chwant
Byw yn deilwng o'r gwir Gymro, wedi 'nabod Dewi Sant.
