Tudalen:Caniadau Barlwydon Llyfr 1.djvu/128

Gwaith sydd fâd ordeiniad Duw,
Hynach na phechod annuw;—
Ordeiniad er daioni—
Haeddfawl fraint dan Ddwyfol fri.

I'n cyn—dad yn nydd ceinder—draw mewn hedd
Dôr mwynhad a phleser;
A dyfal, ond diflinder
Fu dyn yn y Wynfa dêr.

Daearen ni ddwg doraeth—o honi
Ei hun er cynhaliaeth;
Llonder mwyn, llawnder a maeth
Ni ddaw'n elw i ddynoliaeth.

I ddyn ni ddaw o honi—drwy 'i hwyneb
Ond drain a mieri;
A thrwy waith rhaid ei throi hi—
Dir anial, o drueni.

Bywyd dyn a'r byd o hedd—fwynhawyd,
A weddnewidiwyd yn ddu ei nodwedd.

Hawddfyd, esmwythyd a moethau—ni cheir,
Ond chwerwedd trwy'r oesau,
A llafurwaith, c'ledwaith clau;
Mor ddi-wên yw myrddiynau!

Llusgo drwy 'u gwaith mewn llesgedd—a lludded
Yn lladd yr hyfrydedd,
Ceir mil a dengmil di—hedd
A'u henaid mewn anhunedd.

Un mawr yw hwn—mwy'i rinwedd
Na dewrion y gloewon gledd;
Un yw a frwydra'n eon
Mewn câd o drefniad yr Ion;