Tudalen:Caniadau Watcyn Wyn.djvu/123

Pa le mae dechreu arno,
Neu 'n hytrach b'le mae peidio,
Ni waeth pa fan mae taro,
Mae 'n llawn o ganu drwyddo.—
Y Cor Mawr, &c.

Yn Aberdar y ganwyd,—
Y Cor Mawr,
Yn Aberdar y magwyd,—
Y Cor Mawr;
Yn Aberdar gan hyny,
Gwnaf finau ddechreu canu,
Ac yno 'r wyf yn credu,
Y gwnaiff y gân ddibenu,—
I'r Cor Mawr, &c.

Pwy bynag sydd am weled,—
Y Cor Mawr,
Doed gyda fi am fyned,—
Yma 'n awr :—
I Aberdar gyfeillion,—
'N awr glöewch eich golygon,
Edrychwch tua'r Station,
Ar foreu dydd Excursion,—
Y Cor Mawr!

"Nid hwna wyt ti 'n galw,—
Y Cor Mawr,
'D oes neb o'r dyrfa acw,—
'N un Cor Mawr;
Adwaenaf fi rhai yna,
Hen Golliers bach oddiyma,
A dacw Budler fana,
A mawr shwd beth os dyma,—
Dy Gor Mawr!"

Wel, ie, dyna ddefnydd,—
Y Cor Mawr,
A chalon ac ymenydd :—
Y Cor Mawr;