Gwirwyd y dudalen hon
NEITHIWR A HEDDIW
Neithiwr yn troi am ennyd o adloniant
Mewn gwin, a thant, a llais, a lliw a llun,
Heddiw yn cofio'n sobr y rhai a soniant
Am borthi'r bwystfil a newynu'r dyn.
BYW'N ONEST
I fyd a phawb wrth ei fodd
Byw'n onest ni bai'n anodd.
EINION A MORTHWYL
Yn einion, dal yn dynn ar lawr,
Yn forthwyl, taro megis cawr.
I'R BRODYR SYMUDOL
Ha, frodyr symudol, cewch braw
Fod yr alwad a glywch
Yn dod oddi uchod pan ddaw
A'r gyflog yn uwch.
