Gwirwyd y dudalen hon
YN UN AR HUGAIN
Mor drist, mor hen, y'm cawn fy hun
Yn un ar hugain oed!
Yn drigain, cofiaf gyda gwên
Na bûm mor hen erioed
Ag own pan gefais i fy hun
Yn un ar hugain oed.
HAWL AC ATEB
"Paham y buost ti mor ffôl
A gado'r miloedd ar dy ôl,
I doddi ar dy ôl,
Fil ar ôl mil am y cyflyma'?"
"Toddent ynghynt i lawr fan yma!"
HEB NOD
Heb lan i wneud amdani
Awel deg ni'th hwylia di.
NID Y WISG
Gwisged bob gwych ddilledyn,
Epa fydd epa er hyn.
