Gwirwyd y dudalen hon
Y grug ar bob llaw
Yn llawn flodeuo,
Y mêl o draw
Yn arogleuo.
A'r bannau rhyddion
Yn grŷn dan ias
Cân ehedyddion
O'r wybren las.
Car modur (yngháu)
Ar ben y mynydd,
A raid caniatáu
Bod ein byd ar gynnydd?
vii
UN O RIANEDD HEDDIW
Mae ceirios ar ei gwefus rudd
Pan dderfydd tymor ffrwythau,
A rhôs o newydd dwf bob dydd
Sy' ar ei dwyfoch hwythau,
A gwyn y lili deg a'i swyn
O siop y drygist ar ei thrwyn.
