Tudalen:Cofiant Hwfa Môn.djvu/215

BER-AWDL

AR

AGORIAD EISTEDDFOD GENEDLAETHOL

BANGOR,

AWST, 1890.

Tynwn holl blant Awenydd—ein hanadl,
Eneiniwn Awdl newydd;
Yn yr wyl gweithiwn yn rhydd,
O un galon â'n gilydd.

Dyma iawn ddydd dymunawl,
Wybr i gyd yn bwrw gwawl;
Bywyd, ac ysbryd y gân
Yn llenwi pebyll anian.

Wele dég hafeiddiol dir,
Cyffiniau ymylau mór,—
Llawn ffrwythau yw'r parthau pur,
Gloew bau llawn arogl bêr.

Bylchawg binaclau beilchion,
Ymchwyddawg, brychawg eu bron,—
Daiar o'u hol adawant,
Am y nef sylldremio wnant,—

Ninau wrth eu sodlau sydd,
Yn llon yn ein Pabell hedd,—
Hwythau fel duwiau bob dydd,
Yn syn warchodi ein sedd.