WRTH wel'd gweithredoedd Duw o'n blaen
Rhyfeddu mae'n meddylfryd;
Tybiwn, wrth wel'd mor gadarn y'nt.
Nad ydynt byth i syflyd.
Ond tybiaeth heb un sylfaen yw,
Canys mae gwaith Duw yn siglo;
Canfyddir hyny drwy'r byd crwn,
Os dyfal graffwn arno.
Dychrynu'r y'm wrth feddwl hyn,
Er hyny rhaid in' gredu;
Arwyddion sydd bob dydd a nos
Yn dangos hyn o'n deutu.
Creu deddf i ysu nef a llawr,
I ni sy'n ddirfawr syndod;
Ond cofiwn ein bod ni'n rhy ddall
I ddeall deddf y Duwdod.
Canfyddwn heddyw, drwy ein cur,
Fod Natur drwyddi'n curio;
A chyn bo hir, o dan ei bron,
Ei chalon baid a churo.
Am enyd fechan y bydd swyn
Y byd yn dwyn ein sylw;
Pob mater, o'i ysplander filwch,
A droir yn llwch a lludw.
