Tudalen:Cofiant y Diweddar Barch W Williams o'r Wern.djvu/151

Fel bu wrth bregethu a chasglu
At addoldai Cymru gynt;
Darfu'r llafur, darfu'r cystudd,
Darfu'r peswch, darfu'r boen,
Darfu marw—ond ni dderfydd
Ei lawenydd gyda'r Oen.

Ca'dd yr orsedd, ca'dd y goron,
Ca'dd y delyn yn ei law;
Byth y bydd wrth fodd ei galon
Gyda'r dyrfa'r ochr draw;
Caiff ei gorff o'r bedd i fyny,
Foreu 'r adgyfodiad mawr,
Bydd ar ddelw'i briod Iesu,
Yn dysgleirio fel y wawr.

ENGLYNION

AR NODWEDD A MARWOLAETH Y PARCH, W. WILLIAMS, Y WERN.

WILLIAMS anwyl, mae synu,—ar ei ol
Mawr yw alaeth Cymru;
Cleddyf drwy'i bron oedd claddu
Anhuddo'i dawn yn y bedd du.

Oedd enwog arch-dduwinydd,—iachusaf
A chysson athronydd,
A didwyll gyfaill dedwydd,
Brawd o wir hael ysbryd rhydd.

Dododd hen draddodiadau,—do, ar dân;
Dirdynodd hen dybiau;
Chwiliodd, eglurodd yn glau
Groth aur yr ysgrythyrau.

Sain ei ddawn swynai ddynion,—e ddrylliai,
Toddai rewllyd galon;
Deigr heillt, wedi agor hon,
Ymlifent yn aml afon.