Tudalen:Gwaith-Mynyddog-Cyfrol-2.djvu/23

Oddi ar Wicidestun
Prawfddarllenwyd y dudalen hon

Edrychwch i'r ffair ac i'r farchnad,
Ysgafnder sydd yno'n mhob man,
Ynghanol brefiadau y lloiau
Mae'n codi yr uchaf i'r lan;
Mae Satan yn pluo adenydd
Rhai dynion i'w codi am awr;
Ond cofiwch mai eu codi mae Satan
Er mwyn cael eu taro i lawr.
Ond dyma'r gwirionedd, &c.
Medi 24, '75

PURDEB

(Arddull T. Carew)

Y sawl a fynn y rudd sydd goch
A gwefus gwrel, llygad du,
Y gwddw gwyn, y rhosawg foch
I gynneu fflam ei gariad cu,—
Daw amser hen i wywo'r gruddiau,
A diffydd fflam ei lygad yntau.

Ond y meddwl tawel, pur,
Gyda ffyddlon dwyfron lân,
Calon gara fel y dur,
Hyn sy'n cynneu bythol dân;
Lle na cheir hyn, peth eithaf annghall
Yw caru llygad, boch, na grudd, nac arall.