AWDL
I ateb Pedwar Englyn Milwr Ieuan Brydydd Hir.
Am rhoddes Rheen riaidd anrheg,
Anian hynaws, asgre faws fwyndeg,
Araf iaith aserw, ddichwerw chweg—Awen,
A gorau lleen, llefn Frythoneg.
Neut wyt gyfeillgar, car cywirdeg—ddyn;
Neud wyf gas erlyn, gelyn gysteg.
Mi piau molawd gwawd Gwyndodeg;
Gawd ir a folwyf fawl anhyfreg;
Haws ym llawch hydr no chyhydreg—à mi;
Hanbid om moli mawl ychwaneg.
Ceneist foliant fal nad atreg—ym hwnt
Dy foli, pryffwnt praff Gymraeg.
Wyt berchen Awen ben, baun hoendeg,
Wyt ynad diwad Deheubartheg,
Odid hafal, hyfwyn osteg,—i ti
Blaenawr barddoni, bri Brythoneg.
Gweleis ofeirdd, afar waneg,—o wŷn
Yn malu ewyn Awen hyllgreg.
Neu mi nym dorfu dyrfa dichweg
Beirdd dilym, dirym, diramadeg:
Ciwed anhyfaeth, gaeth, ddigoethdeg—leis;
Sef a'u tremygeis megys gwartheg.
Gweleis feirdd cywrein, mirein, mwyndeg—lu
Moleis eu canu, cynnil wofeg.
Er a rywelais, ceis cysondeg,
Ny weleis debyg dy bert anrheg,
Ieuan, mwy diddan no deuddeg—wyt ym,
Fardd erddrym, croywlym, grym gramadeg.
