PEDWAR ENGLYN MILWR,
Yn cyfarch y Bardd, o waith IEUAN BRYDYDD HIR, o Geredigion.
HANBYCH Well, Goronwy Ddu,
Y Dryw o Fon, fam Gymru
Gwr prif y rhif am fydru.
Ni wybuum dy elfydd.
Am offrydiaw awenydd,
O Gybi Mo' i Gaerdydd,
Yn yr oesoedd cysefin,
Oeddynt feirdd prif, Taliesin
Llywarch Hen, a'r ddau Ddewin[1]
Daroedd heddyw arwyrain,
Etwa gwell nog un o'r rhain,
Y prifardd Gronwy Owain.
YR IEUAN
Nid atepawdd mo'r Cywydd, t.d, 104, namyn gyru gyda WILLIAM FYCHAN, ESQ., o Gorysgedol, ym mhen pedair blynedd, bedwar Englyn Milwr [uchod] i'm hanerch i Lundain; a'r Awndl hon a gafodd yn ateb iddynt, 1756.
A'M rhoddes Rheen riaidd anrheg,
Anian hynaws, asgre faws fwyndeg,
Araf iaith aserw, dichwerw chweg—awen,
A gorau llen, llefn Frythoneg,
Neut wyt gyfeillgar, car cywirdeg―ddyn,
Neud wyf gas erlyn, gelyn gysteg.
Mi piau molawd, gwawd Gwyndodeg,
Gnawd i'r a folwyf fawl anhyfreg,
Haws y'm llawch hydr no chyhydreg—â mi,
Hanbyd o'm moli mawl ychwaneg.
- ↑ Y ddau Fyrddin
